کیا آپ نے کبھی محسوس کیا ہے کہ آپ کی غیرت آپ کے اعتماد کو کھا رہی ہے؟
سوچیں، وہ لمحہ جب آپ نے کسی تقریب میں نئے کپڑے پہن کر جانے سے انکار کر دیا کیونکہ لوگ کیا کہیں گے؟
یا وہ دن جب آپ نے اپنی صلاحیتوں کو چھپا لیا کیونکہ گھر والوں کو ڈر تھا کہ معاشرہ ہمارے بارے میں کیا سوچے گا؟
کیا آپ کی غیرت، جو آپ کو عزت دینے کے لیے بنائی گئی، آپ کے اندر کے اعتماد کو دفن کر رہی ہے؟
کیا آپ نے کبھی اپنے فیصلے دوسروں کے ہاتھ میں دیے ہیں؟
کیا آپ کی غیرت نے آپ کو تنہا کر دیا ہے؟
کیا آپ نے محسوس کیا ہے کہ غیرت کے نام پر آپ کے تعلقات زہر آلود ہو رہے ہیں؟
غیرت اور اعتماد کی جنگ دراصل اُس وقت شروع ہوتی ہے جب ہم دوسروں کی نظر میں اپنی قدر تلاش کرنے لگتے ہیں۔ یہ وہ کشمکش ہے جو ہمیں اندر سے کھوکھلا کر دیتی ہے، جیسے کوئی درخت جس کی جڑیں ہوا میں لٹک رہی ہوں۔
حکمت عملی : غیرت کو تعریف سیکھائیں، اپنے اعتماد کو پنپنے دیں
غیرت کا مطلب صرف لوگوں کی نظر نہیں، بلکہ اپنی ذات کا احترام بھی ہے۔ مثال کے طور پر اگر آپ کے گھر میں لڑکی پڑھنا چاہتی ہے تو اُسے روکنے کے بجائے اُس کا ساتھ دیں کیونکہ حقیقی غیرت اُس کی صلاحیتوں کو پروان چڑھانے میں ہے۔ اسی طرح اپنے فیصلوں پر اعتماد کریں۔ جب آپ نے چائے کے سٹال لگانے والے چائے والا کو CEO بنتے دیکھا ہوگا، تو سمجھ جائیں کہ اعتماد ہی وہ ہتھیار ہے جو غیرت کی تلوار کو کند کر دیتا ہے۔
لوگ کیا کہیں گے؟ کی بجائے میں کیا کہوں گا؟
پاکستانی معاشرے کا یہ سب سے بڑا خوف ہے۔ لیکن ذرا سوچیں جن لوگوں کے لیے آپ اپنی خواہشیں مار رہے ہیں، وہی لوگ آپ کی کامیابی پر پہلے طنز کریں گے اور پھر تقلید بھی۔ مثال کے طور پر وہ خاتون جو گھر کی چار دیواری میں خود کو قید کر لیتی ہے، اُسے کبھی پتہ نہیں چلتا کہ باہر کی دنیا اُسے بیچاری کہتی ہے یا حوصلہ مند۔ فیصلہ آپ کے ہاتھ میں ہے۔
غیرت کو ہم بنائیں، میں نہیں
جب آپ کی غیرت صرف اپنی ذات تک محدود ہو تو یہ تکبر بن جاتی ہے۔ لیکن اگر آپ اِسے مشترکہ عزت میں بدلیں تو یہ اعتماد پیدا کرتی ہے۔ مثال کے طور ہر اگر آپ کا بھائی نوکری چھوڑ کر آرٹسٹ بننا چاہتا ہے تو اُس کا ساتھ دیں کیونکہ خاندان کی حقیقی غیرت اُس کے خوابوں کو پنپنے میں ہے۔ یاد رکھیں وہ درخت جو دوسروں کو سایہ دیتا ہے، اُس کی جڑیں گہری ہوتی ہیں۔
اعتماد کی مشق کریں، روزانہ ایک چھوٹی جیت کے ساتھ
اعتماد ایک مشق ہے۔ جیسے کوئی کرکٹر روزانہ نیٹ پر جا کر شیٹس مارتا ہے، ویسے ہی آپ بھی چھوٹے چھوٹے فیصلوں سے شروع کریں۔ مثال کے طور ہر بازار میں گاہک کو مناسب قیمت بتانے سے ڈرنا، دفتر میں اپنی رائے بیان کرنے سے گھٹن محسوس کرنا، ان چیزوں پر قابو پائیں۔ ہر چھوٹی جیت آپ کو بتائے گی: میں کر سکتا ہوں۔
غیرت اور اعتماد کی جنگ ہارنے والا کوئی نہیں
یاد رکھیں جب آپ اپنی غیرت کو اپنے اعتماد کی طرح استعمال کرنا سیکھ جاتے ہیں تو پھر آپ کی زندگی وہ شاہکار بن جاتی ہے جس پر نہ صرف آپ، بلکہ پورا معاشرہ فخر کرتا ہے۔ جیسے وہ بوڑھا درخت جو کبھی تنہا کھڑا تھا، اب اُس کی ٹہنیاں ہزاروں پھولوں کو جنم دے رہی ہیں۔
