کیا آپ نے کبھی محسوس کیا ہے کہ آپ کی خوشی بھی ایک فیس بک پوسٹ کی طرح پرکشش ہونی چاہیے؟
کیا آپ کے رشتے میں لوگ کیا کہیں گے والا خوف آپ کو اپنے غصے، اداسی، یا تنہائی کو چھپانے پر مجبور کرتا ہے؟
کیا آپ نے کبھے اپنے گھر والوں کے سامنے مثبت بیٹی یا بہترین بوائے فرینڈ کا ماسک لگایا ہے، چاہے آپ کا دل ٹوٹ رہا ہو؟
کیا آپ کو لگتا ہے کہ کملیٹ پیکج بننے کی دوڑ نے محبت کو ایک پرفارمنس بنا دیا ہے؟
پاکستانی معاشرے میں محبت کرنا ایسے ہے جیسے کسی ریئلٹی شو میں زندہ رہنا۔۔ ہر لمحہ کیمرہ آن ہو، ہر حرکت پر لوگ جج کریں، اور آپ کو ہر وقت بالکل درست سکرپٹ پڑھنا ہو۔ یہاں رشتوں کی کامیابی کا پیمانہ خوشیاں بانٹنا نہیں، بلکہ خوشیاں دکھانا بن گیا ہے۔
پرفیکٹ لوکیشن، پرفیکٹ ڈائیلاگ، پرفیکٹ لائف
جب محبت بھی بیک گراؤنڈ میوزک کی طرح دب جائے
سوچیں، وہ لڑکی جو ہر جمعرات کو بوائے فرینڈ کے ساتھ کافی شاپ کا سنہری فلٹر لگا تصویر پوسٹ کرتی ہے، مگر کبھی بتاتی نہیں کہ اس دن وہ نوکری سے تھک کر گھر آئی تھی اور جھگڑے کے بعد تصویر کھنچوائی۔ یا وہ جوڑا جو شادی کی سالگرہ پر ہنستے کھیلتے والی ویڈیو بناتا ہے، مگر کہیں کیمرے کے پیچھے وہ ایک دوسرے سے دن بھر بات نہیں کر پائے۔ یہ پرفیکشن کا دباؤ محبت کو ڈرامہ سیریل بنا دیتا ہے، جہاں اصل جذبات بیک گراؤنڈ میوزک کی طرح دب جاتے ہیں۔
ٹھیک ہوں جناب!: جب جذبات چھپانے کی عادت محبت کی زبان بن جائے
پاکستانی گھروں کی کلاسک لائن یاد ہے؟ مہمان آ رہے ہیں، کمرے میں پڑی کتابیں اٹھاؤ، چہرے پر مسکراہٹ لاؤ، اور اپنے جھگڑے پردے کے پیچھے چھپا لو۔ یہی رویہ محبت میں داخل ہو گیا ہے۔ لڑکا ڈپریشن میں ہے مگر ڈیٹ پر جاتے وقت سٹائلش ہیئر سٹائل بناتا ہے۔ لڑکی بیمار ہے مگر ایونٹ میں میٹھی مسکان لگا کر بیٹھتی ہے۔ مسئلہ یہ ہے کہ ہم خود کو سنوارنے اور خود کو کھونے کے درمیان فرق بھول گئے ہیں۔
کیا یہی محبت ہے؟: جب پرفیکٹ نظر آنے کی خواہش، ناقص ہونے کے حق کو مار دے
ایک اور حقیقت کو دیکھیں: وہ ماں جو بیٹی سے کہتی ہے، شوہر کے سامنے ہمیشہ میک اپ کر کے رکھنا، خواہ تمہارا دل کیوں نہ ٹوٹ رہا ہو۔ یا وہ دوست جو مشورہ دیتا ہے، اگر تم نے اپنی کمزوری دکھائی تو سمجھو رشتہ ختم۔ عجیب بات ہے نا؟ ہم اپنے گہرے رشتوں میں بھی سچ سے زیادہ سین کو اہمیت دینے لگے ہیں۔ کیا محبت کا مطلب یہ ہے کہ آپ اپنی انا، اپنی خامیوں، حتیٰ کہ اپنے آنسوؤں کو بھی ایڈٹ کر کے پیش کریں؟
محبت کو پرفیکٹ سٹوری بنانے کی بجائے، اسے ریئلٹی شو بنائیں۔ یاد رکھیں، وہ جوڑے جو سوشل میڈیا پر کم فوٹوژینک ہوتے ہیں، اکثر زندگی میں زیادہ فوٹو ریئل ہوتے ہیں۔ اصلی محبت وہ ہے جہاں آپ بنا میک اپ کے بھی خوبصورت لگیں، اور بنا ڈائیلاگ کے بھی سمجھے جائیں۔ پرفیکشن کا دباؤ اتار دیں کیونکہ نا مکمل ہونا ہی تو مکمل انسان ہونے کی نشانی ہے۔
